Mustafa pranoi detyrën e ministrit të Bujqësisë
Mustafa premtoi se do të angazhohet në zhvillimin dhe fuqizimin e sektorit të bujqësisë
Ministri i ri i Bujqësisë, Pylltarisë dhe Zhvillimit Rural, Besian Mustafa, sot pranoi detyrën e re nga ministrja e deritashme, Dijana Zhiviq.
Me këtë rast, ish ministrja Zhiviq e ka njoftuar për së afërmi ministrin e ri me punën e bërë deri më tani, duke i uruar atij suksese në angazhimin e tij në këtë ministri.
Ndërkaq, ministri i ri i MBPZhR-së, Besian Mustafa, premtoi se në vazhdimësi do të angazhohet në zhvillimin dhe fuqizimin e sektorit të bujqësisë, që sipas tij është njëri ndër sektorët më të rëndësishëm të ekonomisë, si dhe një ndër motorët kryesorë të zhvillimit ekonomik.
Ndër tjerash, ai ka theksuar misioni i tij, duke u nisur edhe nga përvoja e tij e mëparshme në sektorin privat, është përkrahja e fermerëve dhe prodhuesve vendorë./21Media