Mustafa uroi kryeministrin e ri të Maqedonisë, Zoran Zaev
“Qeveria e re e Maqedonisë do të vazhdojë fuqizimin e marrëdhënieve të mira që dy popujt kanë ndërmjet tyre”
Kryeministri i Republikës së Kosovës, Isa Mustafa, ka uruar kryeministrin e porsazgjedhur të Maqedonisë, Zoran Zaev dhe Qeverinë e re të Maqedonisë të zgjedhur nga Kuvendi i Republikës së Maqedonisë.
Duke iu uruar suksese, Mustafa ka shprehur përkushtimin e Qeverisë së Kosovës për bashkëpunim dhe intensifikim të relacioneve ndërmjet dy shteteve.
“Shpreh bindjen e plotë se Qeveria e re e Maqedonisë do të vazhdojë fuqizimin e marrëdhënieve shumë të mira që dy vendet dhe dy popujt tanë kanë ndërmjet tyre”, ka shkruar Mustafa, në telegramin dërguar kryeministrit Zaev./21Media