Nagavci mirëpret emërimin e anëtarëve të Këshillit Kombëtar të Shkencës
Ministrja e Arsimit, Arbërie Nagavci ka reaguar pasi që Kuvendi i Kosovës sot miratoi propozimin për emërimin e 15 anëtarëve të Këshillit Kombëtar të Shkencës.
Nagavci me këtë rast ka falënderuar deputetët që e votuan këshillin, pa marrë parasysh grupin parlamentar.
“Këshilli Kombëtar i Shkencës është trupë profesionale që përkujdeset për zhvillimin sistemor të veprimtarisë kërkimore-shkencore dhe teknologjike në Republikën e Kosovës. Duke ditur se përkundër rëndësisë që ka sipas ligjit, Kosova ka qenë pa Këshill Kombëtar të Shkencës prej qershorit të vitit 2011, ndërsa Programi Kombëtar i Shkencës ka skaduar në vitin 2015, si ministri kemi marrë të gjitha veprimet e nevojshme me qëllim të rifunksionalizimit të Këshillit Kombëtarë të Shkencës. Kemi shpallur thirrjen publike për nominimin e anëtarëve të këshillit bazuar në Ligjin për Veprimtari Kërkimore-Shkencore dhe poashtu kemi përfshirë edhe hulumtues të suksesshëm e me përvojë nga diaspora, jemi kujdesur të sigurojmë përfaqësimin adekuat të institucioneve kërkimore – shkencore, të fushave prioritare të shkencës dhe autoriteteve shkencore. Falenderoj deputetët e Kuvendit të Republikës së Kosovës që e votuan këshillin, 64 deputetët pa marrë parasyshë grupin parlamentar. Uroj suksese për KKSH-në dhe pres që së shpejti të kemi edhe Programin Kombëtar të Shkencës, ndërkohë që do të kujdesemi edhe për sigurimin e kushteve dhe mjeteve të nevojshme financiare për veprimtarinë kërkimore shkencore”, ka shkruar Nagavci në Facebook.
Anëtarët e Këshillit Kombëtar të Shkencës, me mandat katër vjeçar, janë: