NATO do të mbrojë kufijtë suedez gjatë periudhës së mundshme të anëtarësimit

NATO thotë se do të rrisë praninë e saj rreth Suedisë dhe detit Baltik nëse Suedia aplikon për t’u bashkuar me aleancën, tha Sekretari i Përgjithshëm i NATO-s, Jens Stoltenberg për transmetuesin suedez SVT.
Sekretari i Përgjithshëm theksoi rëndësinë e mbrojtjes së kufijve të vendit ndërsa miratohet aplikimi i saj në NATO, i cili mund të zgjasë deri në një vit, transmeton rtv21.tv.
“Që nga momenti i mundshëm që Suedia po aplikon dhe NATO thotë se ata duan që Suedia të anëtarësohet, ka një detyrim shumë të fortë nga NATO që të jetë në gjendje të garantojë sigurinë e Suedisë”, tha Stoltenberg për SVT.
Suedia dhe Finlanda fqinje pritet të marrin një vendim nëse do të aplikojnë për t’u bashkuar me NATO-n këtë muaj, pasi të dy vendet kanë konsideruar anëtarësimin në aleancë pas pushtimit të Ukrainës./21Media