Ndërrohen komandantët në tri stacione policore
Policia e Kosovës ka konfirmuar për ndryshimet në pozitat drejtuese të komandantëve të stacioneve policore në Pejë, Suharekë dhe Klinë.
Sipas konfirmimit të Policisë për portalin rtv21.tv, kapiten Faik Jahmurataj është caktuar Komandant i Stacionit Policor në Pejë, ndërsa kapiten Enis Lluka do të udhëheqë Stacionin Policor në Klinë.
Kapiten Afrim Sylaj, i cili më parë ka shërbyer në Stacionin Policor në Suharekë, është transferuar në Qendrën Rajonale Operative të Drejtorisë Rajonale në Prizren.
“Këto ndryshime bëhen me qëllim të rritjes së efikasitetit në menaxhim dhe përmbushjes së detyrave policore në përputhje me prioritetet operacionale të Policisë së Kosovës”, thuhet në konfirmimin e Policisë së Kosovës për portalin rtv21.tv /21Media
Dëshiron ta dëgjosh këtë lajm me zë?