Nesër mblidhet Komiteti për vlerësimin e situatës epidemiologjike

 

Pas rritjes së numrit të rasteve me Covid-19 në Kosovë, nesër do të mbahet takimi i radhës i Komitetit për koordinimin dhe vlerësimin e situatës epidemiologjike lidhur me Covid-19.

“Kryeministri në detyrë Avdullah Hoti, merr pjesë në takimin e Komitetit për koordinimin dhe vlerësimin e situatës epidemiologjike lidhur me Covid-19”, thuhet në njoftimin e zyrës së kryeministrit.

Ky takim do të fillojë nga ora 09:00.

Ndërkohë IKSHPK-ja ka njoftuar sot se janë regjistruar tetë të vdekur dhe 632 raste me COVID-19./21Media