Nga 1 janari, Bujar Osmani do të marrë rolin e Kryesuesit të OSBE-së

Ministri i Punëve të Jashtme të Maqedonisë së Veriut, Bujar Osmani ka bërë të ditur se vendi i tij do të jetë kryesues i OSBE-së për 12 muaj, duke filluar nga data 1 janar.
“A e dini se OSBE është organizata më e madhe e sigurisë në botë me 57 shtete që përfaqësojnë 1.3 miliardë njerëz në tre kontinente. Duke filluar nga 1 janari, gjatë 12 muajve të ardhshëm Maqedonia e Veriut do të marrë kryesimin e kësaj organizate të jashtëzakonshme dhe jam i privilegjuar të marr rolin e kryesuesit të OSBE-së me seli në Vienë”, deklaroi Osmani./21Media