Ngjarjet e paralajmëruara për ditën e sotme në vendin tonë

Ngjarjet e paralajmëruara për ditën e sotme në vendin tonë

UNDP dorëzon në IKSHPK komplete testimi për COVID-19 të financuara nga qeveritë e Luksemburgut dhe Austrisë. (Objekti i IKShPK-së, ora 09:00)

Përurohet Zyra e Gjendjes Civile në Mushnikovë. Merr pjesë dhe kryetari i Komunës së Prizrenit, Mytaher Haskuka. (Mushnikovë, Prizren, ora 10:15)

Mbahet vazhdimi i seancës së Kuvendit të Kosovës. Në rend dite janë votimi i 5 marrëveshjeve ndërkombëtare etj. (Kuvendi i Kosovës, ora 10:30)

Kuvendi i Kosovës mban seancë plenare. Zhvillohet debat parlamentar për situatën financiare të Telekomit dhe debat parlamentar për të drejtat e pensionistëve kontributdhënës. (Kuvendi i Kosovës, ora 11:00)

Me rastin e hyrjes në fuqi të Ligjit për Mbrojtjen e Fëmijës organizohet një konferencë me panelistë me qëllim promovimin dhe veprimet që duhet të merren nga institucionet për zbatimin e këtij ligji. (Konferenca mbahet online: facebook.com/SyriiVizionit/posts/3138194466261631, ora 11:00)

Federata Sindikale e Pavarur e Postës dhe Telekomunikacionit të Kosovës (FSP-PTK), mban protestë 24-orëshe para Qeverisë. (Para ndërtesës së Qeverisë, ora 13:00)

Koalicioni ad-hoc i organizatave të shoqërisë civile dhe aktivistëve mbajnë konferencë për medie, me ç’rast do të bëhet dorëzimi i përgjigjes në padinë e ngritur nga kompania Kelkos ndaj aktivistit Adriatik Gacaferi. (Para objektit të Gjykatës Themelore, dega Deçan, rruga “Sali Çeku”, p.n. Deçan, 14:30)

Për nder të ditëlindjes së legjendës Fadil Vokrri, në organizim të Federatës së Futbollit të Kosovës, Ligës së Veteranëve dhe grupit të tifozëve “Dardanët” do të zhvillohet ndeshja revyale ndërmjet ekipit të Veteranëve dhe ekipit të Estradës. (Stadiumi “Fadil Vokri”, Prishtinë, ora 19:00)