Ngjarjet e datës 7 nëntor
Mbahet procesi gjyqësor ndaj Hashim Thaçi dhe të tjerëve. (Hagë, ora 09:00-16:00)
Komisioni për Arsim shqyrton Programin Kombëtar të Shkencës 2023/2028 dhe formimin e Grupit punues për Projektligjin për Artin dhe Kulturën. (Kuvendi i Kosovës, salla N-294, ora 10:00)
Komisioni për Punë të Jashtme dhe Diasporë takohet me delegacionin e Komisionit për Punë të Jashtme të Kuvendit të Madh Kombëtar të Turqisë. (Kuvendi i Kosovës, salla C-301, ora 10:00)
Komisioni për Shëndetësi takohet me kryetarët e odave të profesionistëve shëndetësorë. (Kuvendi i Kosovës, salla N-302, ora 10:00)
Mbahet konferenca “Sigurimi i cilësisë në Arsimin e Lartë”, ku do të publikohen dy raportet e monitorimit të Këshillit Shtetëror të Cilësisë në Agjencinë e Kosovës për Akreditim dhe Qendrës Kombëtare për Njohje të Diplomave – NARIC për 2022. (Hotel “Swiss Diamond”, Prishtinë, ora 10:00)
Ministrja e Ekonomisë, Artane Rizvanolli, raporton në Komisionin për Ekonomi lidhur me gjendjen e krijuar në ndërmarrjen “Trepça”. (Kuvendi i Kosovës, salla N-10, ora 11:00)
Sindikata e KEK-ut proteston për rritjen e pagave dhe pagesën e fundjavave për punëtorët. (Para zyrave të KEK-ut, Prishtinë, ora 11:00)
Agjencioni i Statistikave të Kosovës, fton qytetarët e komunës së Gjakovës në takimin e përbashkët ku do të diskutohet për nisjen e procesit të regjistrimit të popullsisë. (Salla e Kuvendit të Komunës në objektin e ish – “Bankosit” Gjakovë, ora 12:00)
Kryeministri Albin Kurti dhe ministri i Administrimit të Pushtetit Lokal, Elbert Krasniqi zhvillojnë këto aktivitete në Komunën e Klinës dhe Komunën e Pejës:
– Vizitë te projekti “Ndërtimi i fundërruesit për sistemin e filtrimit të ujit të pijes”, projekt i bashkëfinancuar nga MAPL dhe Komuna e Klinës (vënia e gurthemelit); (Klinë, ora 12:30-12:50)
-Vizitë te përfituesi nga thirrja e MAPL-së për ndërtimin e shtëpive për komunitet jo-shumicë në Komuna Muzafer Palamar. (Vitomiricë, Pejë, ora 14:30-14:45)
– Vizitë te përfituesi nga thirrja e MAPL-së për ndërtimin e shtëpive për komunitetet jo-shumicë, Sefer Hagjijaj. (Fshati Vitomiricë, ora 14:55-15:10)
– Vizitë te përfituesi nga thirrja e MAPL-së për ndërtimin e shtëpive për komunitet jo-shumicë, Gëzim Saku. (Fshati Treboviq, 15:20-15:35)
Federata e Xhudos e Kosovës certifikon grupin e parë të pjesëtarëve të Forcës së Sigurisë së Kosovës në xhudo. (Qendra Nacionale e Xhudos, Pejë, ora 13:00)
Universiteti i Prishtinës në praninë e ambasadorit austriak do ta ngritë flamurin e Austrisë në oborrin e Rektoratit të UP-së dhe do ta mbajë aty për një javë. (Rektorati i UP-së, ora 13:30)