Nigeria mbyll shkollat nga frika e sulmit
Të gjitha shkollave u është thënë që të mbyllin dhe dërgojnë fëmijët në shtëpi për shkak të frikës së sigurisë në kryeqytetin e Nigerisë, Abuja, dhe në shtetin e afërt Nasarawa.
Raportet e inteligjencës sugjerojnë se grupet e armatosura po planifikojnë sulme në disa shtete, duke përfshirë edhe kryeqytetin, përcjell rtv21.tv
Shkollat, kryesisht në Nigerinë veriore, janë bërë shënjestër e bandave rrëmbyese në vitet e fundit, me qindra studentë të mbajtur për shpërblim.
BBC raporton se presidenti Muhammadu Buhari po takohet aktualisht me shefat e sigurimit.
Lajmi ka shkaktuar shqetësim tek prindërit në një qytet të populluar nga shumë nëpunës civilë, të cilët shpeshherë i dërgojnë fëmijët e tyre në shkolla private.
Të dielën, të paktën tre ushtarë nga një njësi elitare e rojeve presidenciale u vranë në lagjen Bwari të qytetit. Ata i ishin përgjigjur kërcënimeve për një sulm të afërt në Shkollën Juridike Nigeriane që ndodhet në zonë./21Media