Një i ri nga Bosnja kërcënon në Instagram: Prej kohësh po përgatis një masakër në Shkollën e Ekonomisë, betohem për jetën!

I riu nga Bosnja dhe Hercegovina , Ajdin Zuliq, kërcënon se do të bëjë një “ festë të përgjakshme” siç ndodhi në Serbi dhe do të vrasë nxënës dhe punonjës në Shkollën Ekonomike, mëson portali “Avaza”.

Një rast i tmerrshëm tronditi rajonin dje kur një i ri katërmbëdhjetë vjeçar, Kosta Keçmanoviq, kreu një masakër në Vraçar të Beogradit, e cila u pasua me një sërë dënimesh si nga personazhet publike ashtu edhe nga qytetarët. Mirëpo, nuk kanë munguar as postimet në rrjetet sociale ku vlerësojnë këtë akt monstruoz të djalit, përcjell portali rtv21.tv

“Ai djali që vrau tetë fëmijë është mbret për mua! Një gjë të tillë e kam përgatitur për një kohë të gjatë për shkollën ekonomike në Bihaq. Do të ketë një masakër të paparë në Bihaq, ju betohem me jetën time! Kur të gjithë më gjykonit dhe më shmangnit, për këtë do të ketë terror”, ka shkruar Zuliq.

Policia ka informacion edhe për këtë rast të cilin na e kanë konfirmuar edhe MPB-ja e Kantonit të Una-Sanës.

“Kemi informacione. Është informuar edhe Prokuroria. Ky është një person i njohur për ne në polici. Nuk e dimë se çfarë viti është. Mendoj se është i mitur. Nuk e dimë nëse dikush e ka raportuar. E kemi parë në rrjetet sociale dhe më pas e kontrollojmë në detyrën tonë zyrtare – ka thënë për portalin “Avaza”, Bahrudin Dželalagić, zëdhënës i MPB-së, USK./21Media