OBSH për variantin Omicron: Të jemi të kujdesshëm, por jo të bëjmë panik
Shkencëtarja e Organizatës Botërore të Shëndetësisë, Soumya Swaminathan ka thënë se bota nuk duhet bërë panik për variantin e ri Omicron, por të përgatitet.
Sipas raporteve të fundit, Omicron është gjetur në afro 40 vende.
Është ende e paqartë nëse varianti me mutacion të lartë është më i transmetueshëm ose më i aftë për t’iu shmangur vaksinave.
Të dhënat epara nga shkencëtarët në Afrikën e Jugut, ku varianti u zbulua për herë të pare, kanë sugjeruar se Omicron mund të shmang njëfarë imuniteti ndaj Covid-19 , megjithëse ekspertët paralajmërojnë se analiza nuk është përfundimtare.
Swaminathan tha se varianti ishte “shumë i transmetueshëm”, duke cituar të dhëna nga Afrika e Jugut dhe tha se mund të bëhet lloji dominues në mbarë botën, megjithëse kjo është e vështirë të parashikohet.
“Sa duhet të shqetësohemi? Duhet të jemi të përgatitur dhe të kujdesshëm, jo panik, sepse jemi në një situatë ndryshe nga një vit më parë,” tha Swaminathan
Drejtori i urgjencave të OBSH-së, Mike Ryan ndërkohë tha se bota aktualisht ka vaksina shumë efektive kundër Covid-19 dhe fokusi duhet të jetë në shpërndarjen e tyre më gjerësisht./21Media