Osmani i përgjigjet Grenellit: Me Serbinë luftuam për liri

 

Kryetarja e Kuvendit të Kosovës, Vjosa Osmani përmes një postimi në twitter i është kundërpërgjigjur emisarit special të SHBA-ve për dialogun, Richard Grenell, i cili në një postim të bërë sot i përmendi Osmanit ankesat e vazhdueshme të cilat ai i quajti “simbolikë”.

“Ne nuk kemi luftuar me Serbinë për ‘fjalët, mbiemrat e simbolikat’, por kemi luftuar për lirinë, kemi luftuar kundër gjenocidit. Delegacioni i Kosovës nuk ishte transparent. Ata kanë thënë se do të marrin njohje reciproke. Duhet të marrin përgjegjësi për zotimet e tyre publike”, ka shkruar ajo në Twitter, teksa ka shtuar se pajtohet që “simbolika s’krijon vende pune” e duke thënë se “këtë s’mund ta bëjnë as politikanë të korruptuar në Kosovë që kanë udhëhequr me shtetin e e kanë shkatërruar ekonominë tonë në 20 vjetët e fundit”, ka shkruar Osmani në twitter. /21Media

And no, we did not fight w/ 🇷🇸 over ‘words, adjectives & symbolism” but we fought for freedom, we fought against genocide. 🇽🇰 delegation was not transparent. They said they will get mutual recognition w/ 🇷🇸. They should take responsibility for what they publicly pledge. 2/2

— Vjosa Osmani (@VjosaOsmaniMP) September 5, 2020