Osmani takon zyrtarin e BE-së, merr mbështetje për vetingun

1 min read

Presidentja Vjosa Osmani-Sadriu, ka pritur sot në takim drejtorin në Shërbimin Evropian të Veprimit të Jashtëm të BE-së, Marko Makovec.

Osmani ka thënë se reformat e thella në sistemin e drejtësisë dhe sundimi i ligjit janë prioritete të Kosovës.

Sundimi i ligjit, sipas presidentes, mbetet parakusht kryesor për suksesin e Republikës së Kosovës në çdo fushë përfshirë integrimin në BE.

Në këtë kontekst, nga zyrtari i lartë i BE-së, Osmani ka marrë mbështetjen për realizimin e procesit të vetingut në përputhje me standardet dhe praktikat evropiane.

Osmani ka ritheksuar se Kosova tashmë ka përmbushur të gjithë kriteret dhe se BE-ja duhet ta mbajë fjalën ndaj Kosovës për liberalizimin e vizave.

Më tej, ajo është shprehur në favor të thellimit të bashkëpunimit strategjik me BE-në në çështje politike, diplomatike dhe të sigurisë, por edhe me shtetet veç e veç./21Media