Kërkesat e punëtorëve
Me rastin e Ditës Ndërkombëtare të punës
Pas shumë vitesh në Kosovë, Sindikata e Pavarur e Sektorit Privat dhe Bashkimi i Sindikatave po mbajnë protestën në Ditën Ndërkombëtare të punës, 1 Maj. Megjithatë, kësaj proteste i janë bashkuar një numër i vogel protestuesish ku përfshihen dhjetra punëtorë, u shpreh pakënaqësi edhe për mungesën e sindikatave tjera.
Protestuesit kanë paraqitur kërkesat e tyre ku në mes tjerash kanë kërkuar që të respektohet marrëveshja kolektive me pagë minimale prej 300 euro.
“Pse në sektorin privat nuk zbatohet ligji i punës dhe marrëveshja kolektive” shënonte në pankartën e Sindikatës se Pavarur te Sektorit Privat të Kosovës. “Paga minimale 300 Euro”, “Ndal diskriminimi i punëtorëve në sektorin privat”, “Të zvogëlohet stazhi për pensionim” shendonte në pankarat tjera që mbanin në duar protestuesit.
Sindikalistët gjithashtu kanë kërkuar nga institucionet e vendit që të themelojnë Gjykatën e Punës.
Protesta ka filluar në orën 11:00 dhe po mbahet në sheshin “Skënderbeu” në Prishtinë. / 21Media