Paraburgim për shoferin që goditi për vdekje këmbësorin në Harilaq

Gjykata Themelore në Prishtinë, Departamenti i Përgjithshëm, Divizioni Penal ka vendosur lidhur me kërkesën e Prokurorisë Themelore në Prishtinë, për caktimin e masës së paraburgimit për një muaj kundër të pandehurit V.B për shkak të veprës penale “Rrezikimi i trafikut publik”
I njëjti me veturë e kishte goditur një këmbësor në rrugën Sllatinë –Magur në fshatin Harilaq.
“Ekziston dyshimi i bazuar se me datë 11.03.2022, rreth orës17:25, në rrugën Sllatinë –Magur në fshatin Harilaq, i pandehuri V.B, duke drejtuar automjetin e tij, nga pakujdesia ka rrezikuar pjesëmarrësit në komunikacion dhe ka vu në rrezik jetën e njerëzve, ashtu që duke mos e përshtatur shpejtësinë e lëvizjes së mjetit me kushtet dhe fushëpamjen e rrugës dhe duke mos pasur kujdes ndaj këmbësorëve në rrugë, e godet këmbësorin tani të ndjerin E.N.A, i cili ka qenë duke e kaluar rrugën me ç’rast ka shkaktuar aksident komunikacioni me fatalitet ku këmbësori E.N.A si pasoj e këtij aksidenti, ndërron jetë”, thuhet në njoftimin e Gjykatës.
Kundër këtij aktvendimi palët kanë të drejtë ankese në Gjykatën e Apelit të Kosovës./21Media

Back to top button