Për këtë arsye në Kampionatin Evropian nuk zhvillohet ndeshja për vendin e tretë

Italia është kampioni i ri i Evropës në futboll pasi triumfoi në finale kundër Anglisë pas ekzekutimit të penalltive.
Në të kaluarën e këtij turneu, ishte praktikë që të zhvillohej edhe ndeshja për vendin e tretë, por që kjo praktikë është ndërprerë pas evropianit të vitit 1980.
Arsyetimi i organeve të UEFA-së atëherë ishte se “nuk kishte interesim nga ana e tifozëve për të shkuar në stadium e po ashtu edhe audienca televizive ishte shumë e ulët.”.
Kampionati Evropian është i vetmi turne i madh ndërkombëtar që tani nuk ka ndeshje për vendin e tretë.
Kupa e Botës, Kupa e Amerikës dhe Kupa e Kombeve Afrikane vazhdojnë ta kenë në program ndeshjen për vendin e tretë, normalisht një ditë para finales.
Skuadrat shpesh përdorin playoffin e vendeve të treta si një mundësi për t’u dhënë lojtarëve të rinj një shans për të fituar disa minuta para se të kthehen në shtëpi.