Përleshjet mes minatorëve të arit lanë 100 të vdekur

Përleshjet midis minatorëve informalë të arit në një pjesë të largët të Çadit verior kanë lënë rreth 100 të vdekur dhe 40 të plagosur.
Ajo që filloi si “një mosmarrëveshje e zakonshme midis dy individëve… degjeneroi”, tha ministri i Mbrojtjes, Daoud Yaya Brahim për agjencinë e lajmeve AFP.
Distrikti malor Kouri Bougoudi pranë kufirit me Libinë tërheq minatorët nga i gjithë Çadi dhe fqinjët e tij.
Përplasjet ndodhën javën e kaluar, por detajet po dalin tani, transmeton rtv21.tv.
Disa grupe kanë vendosur numrin e të vdekurve më të lartë se autoritetet dhe kanë fajësuar forcat e sigurisë për numrin e vdekjeve.
Një kontigjent i madh ushtarak ka rikthyer qetësinë në zonë, citohet të ketë thënë gjenerali Brahim nga AFP.
Ai shtoi se përleshjet ishin mes njerëzve nga Mauritania dhe Libia.
Por javën e kaluar, Mahamat Nour Ibedou, kreu i Komisionit Kombëtar të të Drejtave të Njeriut të Çadit, tha se ushtarët që u dërguan për të ndërhyrë “qëlluan mbi njerëzit”.
Ai, dhe një lider i opozitës, thanë se numri i të vdekurve është 200, por autoritetet e mohojnë këtë dhe thonë se nuk janë përgjegjës, raporton AFP.
Të gjitha aktivitetet e nxjerrjes së arit në Kouri Bougoudi tani janë pezulluar./21Media