Perplasen Grenelli e Çitaku
Ish-ambasadorja e Kosovës në Shtetet e Bashkuara të Amerikës, Vlora Çitaku përmes një postimi në Twitter iu kundërpërgjigj ish-emisarit special të Shteteve të Bashkuara të Amerikës në dialogun Kosovë-Serbi, Richard Grenell në lidhje me deklaratën e tij për festën e Vidovdanit, i cili u shpreh se po përkujtohen “martirët e shenjtë serbë”.
Pas kësaj deklarate Çitaku reagoi duke shkruar se Beteja e Kosovës nuk ishte e serbëve.
“Nuk ishte betëjë e serbëve, ishte ushtria e Ballkanit që luftoi kundër pushtuesit Osman. Kjo betejë u bë miti themelor që vazhdon të ushqejë nacionalizmin serb që nga shekulli i 19-të duke na mbajtur të gjithëve peng”.
This was hardly a Serb battle; it was a Balkan army that fought against the Ottoman conquest.
This battle became the foundational myth that continues to feed the Serbian nationalism since 19th century keeping all of us hostage. https://t.co/U4zdOAjjst
— Vlora Çitaku (@vloracitaku) June 28, 2021
Një reagim pas këtij postimi nga ish-ambasadorja nuk mungoi nga Grenelli, i cili u kundërpërgjigj duke thënë se ajo po ofendon shumë.
“Ju ofendoni shumë. Duhet të jetë rraskapitëse gjetja e një inati në gjithçka. Njerëzit duan punë dhe zgjidhje – zgjasni dorën”.
you are offended by too much. It must be exhausting finding an outrage in everything. The people want jobs and solutions – extend a hand. https://t.co/9x2a42cni3
— Richard Grenell (@RichardGrenell) June 28, 2021
Përplasja e tyre nuk përfundoi me kaq, Çitaku tha se edhe ajo do punë dhe zgjidhje, por, që qëndrimi i tij për Betejën e Kosovës ishte historikisht i pasaktë.
Dje serbët kishin ardhur në Graqanicë dhe Gazemistan për të kremtuar Vidovdanin, që ndërlidhet me përvjetorin e 630-të të Betejës së Kosovës, që historia serbe e njeh si fitore shpirtërore të saj, pavarësisht një humbjeje të madhe të forcave ballkanike dhe vrasjes së princit serb Llazar./21Media