Plagoset një person në Hajvali të Prishtinës

Një person është plagosur me armë zjarri në Hajvali, mbrëmjen e së dielës.

Zëdhënësja e Policisë së Kosovës për Rajonin e Prishtinës Flora Ahmeti ka thënë se i plagosuri është dërguar në spital.

“Sot rreth orës 17:00 policia ka marrë informatën për një plagosje me armë zjarri, në Hajvali. Nga arma e zjarrit lëndime ka pësuar një person, i cili është dërguar për tretman mjekësor”.

“Aktualisht hetuesit policorë, në koordinim me prokurorin e shtetit janë duke punuar për arrestimin e personit të dyshuar (i identifikuar nga ana a policisë) si dhe sqarimin të gjitha rrethanat që kanë të bëjnë me këtë ngjarje”, ka thënë Ahmeti.

Back to top button