Planet e kandidatëve të Suharekës për papunësinë

Papunësia është njëra ndër problemet kyçe për banorët e Suharekës.
Bali Muharremaj kandidati i AAK-se për kryetar të Suharekës ka thënë se në programin e tijj qeverisëse i ka paraparë 1 mijë e 500 vende te reja te punës.
Muharremaj ka thënë se këto punësime do bëhen përmes ndërtimit të dy zonave ekonomike.

Kurse, Ardian Shala nga Lidhja Demokratike e Kosovës problemin e papunësisë ka thënë se do mundohet ta zbeh përmes projektit në turizmin malor. Kurse, në kuadër të rinisë Shala ka thënë se janë paraparë shkollat joformale që do ndikojnë në vetëpunësim.
Sali Zyba nga Lëvizja Vetëvendosje ka thënë se me qeverisjen e tyre do i ofrohet mbështetje e madhe ekonomike  ndërmarrësve me prioritet  gratë ndërmarrëse. Zyba ka shtuar se zonave ekonomike do i ofrohet edhe shërbim publik.
Kandidati i Partisë Demokratike të Kosovës për të parin e Suharekës Murtez Zekolli ka thënë se do të subvencionojnë të gjitha veprimtaritë bujqësore.
Tutje, ai ka premtuar premtoi se do të investojë për hapjen e bizneseve dhe për hapjen e vendeve të reja të punës, duke funksionalizuar Agrozonën në fshatin Samadraxhë dhe krijimin e dy zonave të reja industriale.
Në garën për të parin e Suharekës në këto zgjedhje nga Lidhja Demokratike është Ardian Shala, nga Partia Demokratike e Kosovës Murtez Zekolli, nga Lëvizja Vetëvendosje Sali Zyba, kurse nga Aleanca për Ardhmërinë e Kosovës, kryetari i tanishëm, Bali Muharremaj.
Zgjedhjet Komunale në Kosovë mbahen më 17 tetor./21Media