Policia arrestoi të dyshuarin për vrasjen e bashkëshortes në Gostivar

 

 

Pas më shumë se 30 orëve hetim, nëpunësit policor të SPB-së Gostivar e arrestuan B.I.(67) të dyshuar për vrasje.

Sipas burimeve policore, ai është arrestuar në afërsi të rrugës lokale midis fshatrave Strajane dhe Tërnovë të Gostivarit pasdite rreth orës 16:00. Me hetimin i është dhënë fund pasigurisë rreth rrjedhës përfundimtare të ngjarjes dramatike e cila filloi dje në orët e hershme të mëngjesit.

Pasdite, pas privimit nga liria B.I. do të mbahet në stacionin policor Gostivar. Pas dëgjimit, me siguri nesër do të dorëzohet te gjykatësi i procedurës paraprake me parashtresë përkatëse, ndërsa kjo ishte një padi penale për vrasje.

Banori i Gostivarit, menjëherë pas zbulimit të trupit të bashkëshortes së tij është zhdukur dhe sipas denoncimit ka qenë i dyshuari i vetëm për vrasjen dhe është ngritur hetim.  Ngjarja e shqetësoi opinionin e Gostivarit, më së shumti për shkak të ashpërsisë dhe mënyrës në të cilën është kryer vrasja.

Sipas PTHP-së gjashtëdhjetë vjeçarja XH.I. është gjetur e vdekur në dhomë të shtëpisë me shumë plagë të shkaktuara me sëpatë dhe thikë. Sipas informatave të para, deri te tragjedia ka ardhur pas një zënke për shkak të marrëdhënieve të tyre të prishura./TV21

Back to top button