Prej 2023-ës pa kufij mes Maqedonisë, Shqipërisë dhe Serbisë
Nën emrin “Ballkan i hapur”, Maqedonia, Shqipëria dhe Serbia do të punojnë bashkërisht që të shmangen pritjet nëpër kufij, kurse secili që dëshiron mund t’i bashkëngjitet kësaj iniciative, e cila paraprakisht quhej “Mini Shengen”
Me qëllim që të lehtësohet procesi i tregtisë, lëvizja e qytetarëve dhe zhvillimi i ekonomisë, në Forumin që u mbajt ishin nënshkruar 3 memorandume:
NËNSHKRUHEN DY MEMORANDUME DHE NJË MARRËVESHJE
- Memorandum për mirëkuptim për bashkëpunim për lehtësim të importit, eksportit dhe për qarkullim të mallrave në Ballkan Perëndimor,
- Memorandum për mirëkuptim për bashkëpunim për qasje të lirë në tregun e punës në Ballkan Perëndimor,
- Marrëveshje për bashkëpunim për mbrojtje nga katastrofa të ndryshme në Ballkan Perëndimor.
Vizita dyditore e kryeministrit të Edi Ramës dhe Aleksandar Vuçiqit në Shkup, me rastin e Forumit Ekonomik, hap perspektiva të reja për qytetarët. Të gjithë u pajtuan se në vend që të ndërtojnë mure, sot të tre shtetet ngritën ura.
Iniciativa është e hapur edhe për vende të reja që duan të kyçen, kurse për në vjeshtë janë dakorduar edhe takime të reja. Takimi i parë do të mbahet në Beograd, e pastaj edhe në Tiranë. Ballkani i hapur do të nënkuptojë punë sipas parimit të vendeve-anëtare të BE-së, raporton TV21./21Media