Pronarët e objektit në afërsi të AAK-së: Kemi paditur ministrin Peci për shpifje, objekti është privat
(Lajm i përditësuar)
Pronarët e objektit në afërsi të AAK-së: Kemi paditur ministrin Peci për shpifje, objekti është privat
Ministri i Bujqësisë, Faton Peci, një video në profilin e tij ku flet për një objekt në afërsi të zyrave të AAK-së e që Peci thotë se është pronë e Ministrisë së Bujqësisë. Peci në reagimin e tij pretendon se që nga viti 2012 aty janë ndërtuar 700 metra katrorë lokale afariste kundërligjshëm, është bërë tjetërsim dhe bartje e pronës nga shteti në privat dhe tregon se ka nënshkruar vendimin për lirimin e një objekti të tillë.
Lidhur me këtë reagoi sot Yll Bogaj, i cili i quan shpifjet pretendimet e ministrit Peci dhe njofton se kanë paditur tashmë edhe zyrtarisht. Bogaj thotw se prona për të cilën flet Peci është private, por shton se Peci e ka identifikuar si pjesë të institutit të Bujqësisë meqë “synon shantazhin publik”.
Reagim i plotë i Yll Bogajt:
Reagim publik ndaj shpifësit, tashmë të paditur zyrtarisht, Faton Pecit.
Të nderuar qytetarë dhe media!
Në konsideratë ndaj kohës dhe vëmendjes tuaj, jemi të detyruar që të reagojmë publikisht ndaj një videoje të ministrit të Bujqësisë, Faton Pecit, përmes së cilës, ai e ka etiketuar pronën tonë private si pjesë e Institutit të Bujqësisë, duke synuar shantazhin publik, frikësimin dhe shpronësimin tonë nga “shenjtëria” dhe paprekshmëria e të drejtës pronësore e garantuar me ligj, kushtetutë dhe me norma e parime universale.
Videoja shantazhuese e Faton Pecit, është vazhdimësi e shantazhit të tij publik që na është bërë tash e një vit të plotë. Për më tepër, kulmi i çdo gjeje ka qenë dje kur kemi pranuar një “Vendim” të Faton Pecit, i cili në mënyrë krejtësisht arbitrare na kërkon që ta lirojmë pronën tonë legale brenda shtatë ditësh, nën kërcënimin e largimit tonë me forcë nga prona jonë private.
Deri me sot, kemi dashur të kursehemi nga diskursi publik i përplasjes së gënjeshtrave të Faton Pecit me gjendjen faktike juridike, pasi që kemi vlerësuar e besuar siç vazhdojmë të besojmë, se për konteste të tilla ka rrugë ligjore e mekanizma ligjor të cilat edhe i kemi shfrytëzuar.
Ngjashëm edhe i kemi mirëpritur e jemi të hapur për organet kompetente që kanë nevojë të vërtetojnë vërtetësinë e pronës private të bazuar në certifikata pronësore.
Për informimin tuaj korrekt, ne jemi një familje e thjeshte dhe e zakonshme kosovare. Objekti të cilin e kemi në pronësi, është objekt banesor i blerë në mënyrë legjitime e legale nga personat fizik, përmes kontratave të lidhura pranë organeve kompetente, e jo nga Instituti i Bujqësisë. Certifikatat pronësore janë në emër tonin, përkatësisht numrat e fletave poseduese janë: O-71914059-07433-0-465-2-4-0 dhe O-71914059-07433-0-465-2-2-0.
Që nga periudha kur jemi pronar legjitim të kësaj pasurie, ne paguajmë tatim në pronë dhe detyrimet tjera përkatëse.
Për më tepër, historiku i objektit bashkë me të drejtat pronësore që kanë ekzistuar në atë objekt janë të evidentueshme. Këto i ka ditur shumë mirë dhe i din edhe Faton Peci, pasi që i njëjti, ju ka shkruar institucioneve tjera duke ju referuar pronarit të vërtetë me certifikata pronësore, saktësisht neve.
Meqe Faton Peci ka braktisur rrugën institucionale për t’ia lënë këtë çështje organeve të pavarura të drejtësisë, duke zgjedhur ta luajë rolin e “heroit” që bën vetëgjyqësi, e sfidojmë publikisht Faton Pecin në çdo studio televizive ku ai zgjedh, që të përballemi e t’i dëshmojmë të vërtetat rreth kësaj çështje.
Për informimin tuaj, ne kemi paditur Ministrinë e Bujqësisë në vitin 2016 për definimin e kufirit pronësor dhe që nga ajo kohë jemi duke pritur shtjellimin e çështjes gjyqësore.
Pas shpifjeve të Faton Pecit dhe në mungesë të edukatës bazike për kërkim falje dhe vazhdimësisë së dëmit material dhe moral ndaj integritetit tonë, që ai na ka bërë duke na portretizuar si uzurpatorë, ndaj Faton Pecit kemi ushtruar padi për shpifje.
Faton Peci mund të ketë llogaritur se duke sulmuar pronën tonë private, do të ndërtojë karrierë të bujshme politike. Ajo çfarë ne kemi për t’i thënë Faton Pecit, është shumë e thjeshtë. Ai është i “fortë” sepse është pushtet. Ne jemi “të dobët” përballë tij, sepse nuk kemi as pushtet, as forcë, as ide se si të mbrohemi ndaj një pushtetari, përveç ligjit. Por ne jemi në shtëpinë tonë dhe përmes ligjit do të mbrohemi, sepse besojmë se në Kosovë, nuk do të duhej të kishte pushtetarë që janë mbi ligjin.
Mentaliteti stalinist për eliminim të pronës private që ka manifestuar Faton Peci ndaj nesh, nuk do të kalojë. Duke qenë pronar faktik e juridik të pronës private, ne do të shfrytëzojmë të gjitha mjetet juridike, të zakonshme dhe të jashtëzakonshme, si dhe për këtë mentalitet stalinist të Faton Pecit, përveç që do t’i bëjmë kallëzim penal qysh sot, do t’i njoftojmë të gjitha institucionet vendore e ndërkombëtare që garantojnë paprekshmërinë e pacenueshmërinë e pronës private, përfshirë Presidenten, Kryetarin e Kuvendit, Kryeministrin, Avokatin e Popullit, Ambasadat e Vendeve Perëndimore, Këshillin për Mbrojtjen e të Drejtave dhe Lirive të Njeriut, Ministrin e Punëve të Brendshme dhe Policinë, si dhe Kryeprokurorin e Shtetit, lidhur me vendimet arbitrare të Faton Pecit, përmes së cilave, duke cenuar paprekshmërinë e
Peci për objektin në qendër ngjitur me AAK- në: Do t’ia kthej Ministrisë
Ministri i Bujqësisë, Faton Peci, ka njoftuar se ka nënshkruar vendim për lirimin e pronës së Institutit për Hulumtime Shkencore në Bujqësi në lagjen “Ulpiana” në Prishtinë.
Peci ka thënë se janë ndërtuar “ilegalisht 700 metra lokale afariste, është bërë tjetërsim dhe bartje e pronës nga shtetërore në private, është shndërruar oborri në depo, ndërsa s’ka pasur veprim nga pesë ish-ministra”.
Ngjitur me atë ndërtesë gjendet edhe selia e AAK-së.
Ministri ka thënë se ka denoncuar rastin në Prokurori por nuk është marrë asnjë veprim.
“Për të gjitha këto dukuri, tjetërsimin e dyshimtë të pronave, aneksimin, ndërtimet e vrazhda brenda objektit të Institutit Bujqësor të Kosovës, para afro një viti unë kam denoncuar publikisht dhe ia kam dërguar të gjitha provat Prokurorisë së Shtetit. Përkundër pritjes sonë gati njëvjeçare, asnjë veprim nuk është ndërmarrë. Protagonisti kryesor, drejtori aktual i Institutit bën sfilata në studio televizive dhe kërcënon me padi titullarin e institucionit, ndërsa në qendër të Prishtinës në Ulpianë qëndron si ‘Luan’ objekti i korrupsionit edhe i zhvatjes së tij. Mirëpo, ky nuk është protagonisti i vetëm. Përveç kësaj për afro 11 vjet, 5 ish-ministrat e Bujqësisë, përveç se nuk kanë marrë asnjë veprim në parandalimin e abuzimeve dhe shfrytëzimit të pronës së Ministrisë së Bujqësisë, ata madje dhe i kanë lejuar ndërtimet e tilla. Unë si ministër nuk kam qëndruar duarkryq. Pas heshtjes së Prokurorisë, dje duke u bazuar në përgjegjësitë e mia ligjore, dhe kushtetuese, kam marrë vendim që objekti që është pronë e Ministrisë së Bujqësisë të i rikthehet titullarit në shfrytëzim”, ka thënë Peci në një video të postuar në Facebook./21Media