Putin: Sistemi Patriot ‘i vjetër’, Rusia do ta gjejë ‘kundërhelmin’

Presidenti rus, Vladimir Putin tha të enjten se sistemet e mbrojtjes raketore Patriot janë sisteme “të vjetra” dhe Rusia “do ta gjejë gjithmonë kundërhelmin”.
“Për sa i përket Patriotëve, ky është një sistem mjaft i vjetër dhe nuk funksionon aq mirë sa S-300-at tanë”, tha Putin, kur u pyet nga një gazetar që të komentonte vendimin e Shteteve të Bashkuara për të ofruar një sistem Patriot në Ukrainë.
“Ata që na kundërshtojnë mendojnë se kjo është një armë mbrojtëse, kështu thonë ata”, tha Putin. “Por kjo është në mendjen e tyre dhe ne gjithmonë do ta gjejmë kundërhelmin. Pra, ata që e bëjnë këtë thjesht po humbasin kohën e tyre, thjesht po e vonojnë konfliktin”, shtoi Putin.
Sistemi i radarit të Patriot kombinon “funksionet e vëzhgimit, gjurmimit dhe angazhimit në një njësi”, thotë një përshkrim nga Qendra për Studime Ndërkombëtare Strategjike (CSIS) , gjë që e bën atë të dallohet midis sistemeve të tjera të mbrojtjes ajrore. Angazhimet e sistemit me kërcënimet ajrore në hyrje janë “pothuajse autonome” përveç nevojës për një “vendim përfundimtar të nisjes” nga njerëzit që e operojnë atë./21Media