Qeveria dënon sulmin ndaj autobusit në Serbi, që po vinte nga Zvicra në Kosovë
Qeveria e Kosovës ka dënuar sulmin ndaj autobusit në Serbi që po vinte nga Zvicra në Kosovë.
Zëvendëskryeministri i Kosovës, Besnik Bislimi ka thënë se autoritetet serbe janë informuar për sulmin, por nuk kanë marrë asnjë veprim.
“Dënojmë ashpër sulmin e planifikuar ndaj një autobusi kosovar gjatë daljes nga autostrada në Serbi. Autoritetet serbe janë informuar për sulmin, por nuk është ndërmarrë asnjë veprim. Ky mosveprim mund të interpretohet lehtësisht si ftesë e nënkuptuar për akte të tilla të tmerrshme”, ka shkruar Bislimi në Twitter.
We strongly condemn the planned attack towards a Kosovar bus, while exiting a highway in Serbia. Serbian authorities have been informed about the attack, but no actions were taken. This inaction could be easily interpreted as implicit invitation for such horrible acts. pic.twitter.com/f0g90xJFky
— Besnik Bislimi (@BislimiBesnik) October 10, 2022
Një autobus i kompanisë “Turist Kosova e Re”, është sulmuar mbrëmjen e së shtunës me gurë në Serbi.
Në një përgjigje për portalin rtv21.tv nga kompania, konfirmuan se sulmi ka ndodhur në rrugën Nish-Leskovc, rreth orës 18:50 nga dy persona të maskuar./21Media