Qeveria e Kosovës ndan 50 mijë euro për Luginën e Preshevës

Qeveria ka marrë vendim për ndarjen e 50 mijë eurove për Preshevën, Bujanocin e Medvegjën.
Kryeministri i Kosovës, Albin Kurti gjatë mbledhjes së sotme të Qeverisë tha se ndarja e këtyre mjeteve financiare për Luginën është sipas kërkesës së Këshillit Nacional Shqiptar.
Po ashtu, kabineti qeveritar në mbledhjen e sotme ka emëruar bordin e drejtorëve të Kompanisë Rajonale të Ujësjellësit.
Kurti ka bërë të ditur se në këtë konkurs kanë aplikuar 100 kandidatë.
“Teuta Ujshini Aliu kryesuese, Albana Berisha Qehaja anëtare, Fadil Berisha anëtar, Saxhide Mustafa anëtare. Mandati i tyre do të jetë trevjeçar”, ka thënë ai.
Në mbledhjen e sotme është emëruar edhe bordi i drejtorëve të Ujësjellësit Mitrovica./21Media