Qytetari nga Ferizaj gjen para në rrugë, i dorëzon në polici

Qytetari nga Ferizaj D. Sahiti (35), dje rreth orës 17:10, në rrugën “Reçaku” afër një barnatoreje ka gjetur një shumë të caktuar të parave dhe i ka dorëzuar në stacionin e policisë.

Policia e Kosovës fton pronarin e vërtetë të parave të paraqitet në stacionin e policisë në Ferizaj dhe pas verifikimit t’i kthehen ato.

Me këtë rast Drejtoria Rajonale e Policisë në Ferizaj e ka falënderuar qytetarin për gjestin e tij human dhe shembullor për dorëzimin e parave të gjetura, në stacionin e policisë.