Ronaldo i bashkohet ekipit arab, merr oferën më të madhe në historinë e futbollit

Ylli i futbollit Christiano Ronaldo karrierën e tij do ta vazhdoj në kontinentin aziatik, konkretisht në Arabainë Saudite.
E përditshmja britanike, “Daily Mayl” raporton se Ronaldo ka arritur marrëveshje me klubin “Al Nassr” për 206 milionë euro në vit, oferta më e madhe deri më tani në futboll.
37-vjeçarit iu ndërpre kontrata me Manchester United në fillim të këtij muaji, pas një marrëdhënieje të trazuar me shefat e klubit që u përkeqësua vetëm kur ai bëri një numër deklaratash të diskutueshme në një intervistë televizive me Piers Morgan .
Ish-ylli i Real Madrid refuzoi një kalim në Saudi verën e kaluar, por pa ndonjë interes të fortë nga klubet elitare të Evropës, ai duket se do ta bëjë këtë lëvizje tani.
Sipas gazetës spanjolle Marca , Ronaldo thuhet se ka rënë dakord për një marrëveshje dyvjeçare e gjysmë që do ta shohë atë të luajë deri në moshën 40-vjeçare .
Al-Nassr është një nga klubet më të suksesshme në Arabinë Saudite, duke u kurorëzuar nëntë herë fitues të ligës më të mirë të vendit, me triumfin e tyre më të fundit në vitin 2019.
Si në vitin 2020 ashtu edhe në vitin 2021, Al-Nassr mund të mos e fitojë ligën, por ata arritën të fitojnë Superkupën e Arabisë Saudite.
Gjigantët sauditë kanë aktualisht disa yje të mëdhenj të së kaluarës në formën e portierit David Ospina, mesfushorit brazilian Luiz Gustavo dhe sulmuesit kamerunas Vincent Aboubakar./21Media