Rreth 27% e qytetarëve votuan deri në orën 15:00
Komisioni Qendror i Zgjedhjeve ka informuar se deri në orën 15:00 kanë votuar 26,93% të qytetarëve me të drejtë vote.
Sipas të dhënave, deri në 15:00 kanë votuar 502.466 qytetarë.
Ndryshe, lista përfundimtare e votuesve për Zgjedhjet Lokale 2021 përmban 1 milion e 885 mijë e 448 emra të votuesve, apo 90 mijë e 586 votues më shumë në krahasim me zgjedhjet e parakohshme për Kuvendin e Kosovës që janë mbajtur më 14 shkurt 2021. Numri i votuesve të rinj, të cilët do të votojnë për herë të parë është: 41 mijë e 12 votues, prej të cilëve 24 mijë e 697 kanë arritur moshën 18 vjeç pas datës 14 shkurt 2021 dhe 8 mijë e 937 votues, të cilët mund të konsiderohet se janë regjistruar për herë të parë në regjistrin qendror civil pas zgjedhjeve të fundit parlamentare.
Dëshiron ta dëgjosh këtë lajm me zë?