Rrokulliset me traktor, vdiq një burrë në Rahovec

Një person ka humbur jetën të dielën në Rahovec pasi është rrokullisur me traktor në një fushë, ka njoftuar Policia e Kosovës në raportin 24-orësh.

Vdekjen e viktimës e ka konfirmuar mjeku kompetent.

“Është raportuar se viktima kosovar është rrokullisur me traktorin e tij në një fushë-arë dhe si pasojë ka ndërruar jetë. Lidhur me rastin vdekjen e viktimës e ka konstatuar mjeku kompetent”, thuhet në raport.

Me urdhër të prokurorit trupi i pajetë është dërguar në Institutin e Mjekësisë Ligjore (IML) për obduksion.

Sipas Policisë rasti është duke u hetuar./21Media