Rrokulliset një kamion në autostradë, po transportonte plehra

Një kamion i drejtuar nga një shtetas i Maqedonisë së Veriut është rrokullisur mbrëmë në autostradën “Trakia” në drejtim të Sofjes në Bullgari.
Sinjali është marrë rreth orës 20.30 në drejtorinë rajonale të MPB-së në Pazarxhik, njoftoi BNT.
Siç njofton MIA, nga Sofja, në vendin e ngjarjes janë dërguar ekipe të policisë rrugore, zjarrfikës dhe ambulancë.
Shoferi nga Maqedonia është dërguar në spitalin e Pazarxhikut. Deri më tani nuk ka të dhëna të tjera për gjendjen shëndetësore të drejtuesit të mjetit.
Kamioni po transportonte plehra, i cili ishte i shpërndarë në rrugë dhe u morën masa për pastrimin e tij.
Qarkullimi nuk është ndërprerë, ai rregullohet nga policia rrugore. Inspektimi është në vazhdim./TV21