Shkaktarët më të shpeshtë të aksidenteve janë vet shoferët
Shkaktarët më të shpeshtë të aksidenteve në Kosovë janë vet shoferët. Kështu tha Drejtori i Divizionit të Komunikacionit Rrugor, Jeton Rexhepi në emisionin e mëngjesit në RTV21.
“Duke mos respektuar kufizimin e shpejtësisë ku në shumicën e rasteve qoftë atyre me fatalitet dhe aksidenteve me lëndime të rënda i referohemi shkaktarit të mosrespektimit të kufizimit të shpejtësisë apo kushteve të rrugës.”, tha Rexhepi, përcjell portali rtv21.tv
Në anën tjetër nuk përjashtohet që pandemia ka ndikuar në rënien e aksidenteve, megjithatë sipas Rexhepit rënie ka pasur edhe në muajin janar dhe shkurt të këtij viti krahasuar me të njëjtën periudhë të vitit 2019. Ai bëri të ditur se në shkurt ( kur në Kosovë nuk kishte ende raste me Covid-19) është shkaktuar vetëm një aksident me fatalitet.
Ndërkohë, Fejzullah Mustafa nga Departamenti Koordinues i Këshillit të Sigurisë Rrugore vlerësoi se rrugët në Kosovë janë të kënaqshme e po ashtu sipas tij krahasuar me rajonin rrugët e Kosovës janë më të mirat./21Media