Rusia e vlerëson përgjigjen e Indisë ndaj luftës në Ukrainë

Ministri i Jashtëm rus, Sergei Lavrov ndodhet në Indi si pjesë e përpjekjeve për të forcuar lidhjet me Delhi.
Në një deklaratë të lëshuar përpara bisedimeve me homologun e tij indian, Subrahmanyam Jaishankar, Lavrov tha se Rusia vlerëson reagimin e Indisë ndaj luftës në Ukrainë.
“Ne e vlerësojmë që India [po] e merr këtë situatë në tërësinë e fakteve dhe jo vetëm në një mënyrë të njëanshme”, tha Lavrov.
India nuk ka kritikuar Rusinë për pushtimin e Ukrainës.
Ajo është përpjekur të ecë në një litar diplomatik mbi Ukrainën ndërsa përpiqet të balancojë lidhjet e saj me Moskën dhe Perëndimin.
Sekretarja e Jashtme e Mbretërisë së Bashkuar Liz Truss është gjithashtu në Indi në një përpjekje për të rritur marrëdhëniet./21Media