Samsung paralajmëron për rënie të fitimeve prej 32%

Gjigandi i teknologjisë Samsung ka paralajmëruar për një rënie prej 32% të fitimeve pasi kërkesa për pajisjet elektronike dhe çipat e memories që i fuqizojnë ato tkurret për shkak të ngadalësimit ekonomik global.
Kompania koreano-jugore vlerëson se fitimi i saj operativ tremujor ishte rreth 10.8 trilionë nwon (7.6 miliardë dollarë; 6.9 miliardë paund).
Të enjten, prodhuesi amerikan i çipave, Advanced Micro Devices (AMD) tha gjithashtu se ishte goditur nga një rënie e kërkesës për kompjuterë.
Ajo vjen pasi njerëzit reduktojnë blerjet ndërsa kostoja e jetesës rritet.
Fitimet e Samsung nga biznesi i prodhimit të mikroprocesorëve ranë pasi çmimi global i çipave të memories ra për shkak të dobësimit të kërkesës për elektronikë të konsumit.
Vlerësimet, të cilat janë për tre muajt deri në fund të shtatorit, shënojnë rënien e parë të Samsung nga viti në vit në fitimet tremujore në pothuajse tre vjet. Samsung do të publikojë fitimet e saj më 27 tetor./21Media