Sanksionet ndaj Kosovës, Ramadani: SHBA-ja mund të vë ndaj individëve të nivelit të lartë, BE-ja ndaj popullit

(lajm i përditësuar)

Ramadani: SHBA-ja mund të vë sanksione ndaj individëve të nivelit të lartë, BE-ja ndaj popullit

Në kuadër të marrëveshjes së Brukselit dhe Ohrit është Forumi e Donatorëve 60 ditë pas marrëveshjes, kjo  nuk ndodhi, po flitet vetëm për 1.9 miliardë euro që kishin për t’u dhënë vetëm për Kosovën

Ramadani tha se në tetor, masat e SHBA-së dhe BE-së mund ose të heqin masat ose për të kaluar në sanksione.

“Kalimi në sanksione nënkupton dy koncepte, një mund të jetë ndaj individëve të nivelit të lartë, që është kryesisht koncept amerikan dhe koncepti evropian që është sanksione ndaj popullit ose shtetit”, tha Ramadani në Click të RTV21.

Ish-Shefi i AKI-së: Mund të vijë një situatë në të cilën veriun e marrin nën kontroll vetëm ndërkombëtarët

Tutje në Click të RTV21, Ramadani ka thënë se ekziston rreziku që e tërë zona veriore e Kosovës e banuar me serbë etnikë mund të merret nën kontroll nga ndërkombëtarët.

“Nëse vazhdon shtimi i trupave të KFOR-it, shtimi i trupave të EULEX-it, mund të vijë një situatë në të cilën veriun e marrin nën kontroll vetëm ndërkombëtarët dhe kjo pastaj e vendos Kosovën në një situatë edhe më të keqe”, tha Ramadani në Click.

Ramadani: Veriu është një prej zonave më të militarizuara në Evropë (VIDEO)

Ish-shefi i AKI-së, Burim Ramadani, ka thënë se veriu i Kosovës është një ndër zonat më të militarizuara në Evropë, nëse e përjashtojmë Ukrainën.

Ai në emisionin Click të RTV21 ka thënë se shtimi i forcave të KFOR-it dhe EULEX-it në katër komunat veriore nuk është diçka pozitive për Kosovën.

“Me rritjen e pjesëtarëve të sigurisë nga këto tri institucione nuk ka luftë, por kjo nuk nënkupton që ka qetësi dhe rritja e tensioneve mund t’i kushtojë Kosovës, sikurse që i ka kushtuar deri tash”, tha Ramadani në Click të RTV21.