Shala-Kurtit: Urrejtja që ke mbjellë në popull do të të kthehet bumerang

Shala deklarohet para deputetëve

Deputeti i Nismës, Haxhi Shala gjatë fjalët së tij në foltoren e Kuvendit të Kosovës, pati dhjetëra pyetje për kandidatin për kryeministër Albin Kurtin.

“Si mund të presim forcimin e republikës nga një organizatë që në kulturë të aktiviteteve politike ka radikalizmin, ndërsa fyerjen e ligjit e sheh si të zakonshme. A do të krijosh kompromis të ri me Serbinë apo do të mbash qëndrimin se VV është e vetmja rrugë Albin? A do të negociosh vetëm me zyrtarët serbë në Kosovë, ashtu siç pretendove dikur, apo do të shkosh me Thaçin në Bruksel”, janë vetëm disa nga pyetjet që deputeti ia parashtroi Kurtit.

Sipas Shalës, koha qeverisëse e Kurtit do të jetë një kohë e humbur për vendin.

“Urrejtja qe ke mbjellë në popull do të të kthehet bumerang”, përfundoi Shala./21Media