Shkon në 126 numri i të vdekurve nga tërmetet në Japoni

Numri i vdekjeve nga tërmetet që goditën Japoninë Qendrore në Ditën e Vitit të Ri ka mbërritur në 126, thanë media lokale të shtunën.

Autoritetet thanë gjithashtu se kërkimi për mbi 200 persona në rajonin Ishikawa ende të klasifikuar si të zhdukur gjashtë ditë që nga tërmeti vazhdon, raportoi transmetuesi publik NHK.

Të hënën, një tërmet i fortë me fuqi 7.6 ballë goditi provincën Ishikawa, duke shkatërruar një duzinë ndërtesash dhe duke shkaktuar dëme të mëdha në rrugët në rajon, të ndjekur nga tërmete më të vogla.

Pasgoditjet vazhdojnë gjithashtu pasi një tërmet i fortë me magnitudë 5.4 goditi prefekturën mëngjesin e së shtunës, ndërsa autoritetet po u bëjnë thirrje banorëve të qëndrojnë vigjilentë.

Zyrtarët lokalë gjithashtu kanë probleme me dërgimin e furnizimeve me ndihma në zonat e prekura pasi rrugët mbeten të dëmtuara dhe shpesh të bllokuara, ndërsa mijëra shtëpi nuk kanë rrymë. Sipas një studimi të fundit, tërmeti i së hënës ka zgjeruar vijën bregdetare në zonë deri në 175 metra.