Shkuan për t’i ndihmuar dy personave që u goditën nga rrufeja, piloti dhe polici u goditën edhe vetë

Një oficer policie dhe një pilot i helikopterit që po fluturonin për të ndihmuar dy personat e plagosur nga një goditje e rrufesë, u goditën edhe vetë, thanë autoritetet zvicerane.

Një burrë 51-vjeçar dhe një djalë 16-vjeçar u goditën nga rrufeja rreth orës 8:30 të mëngjesit teksa punonin në një fushë në Ménières, në kantonin perëndimor të Fribourgut.

Të dy janë plagosur, me të moshuarin që është në gjendje të rëndë. Ata morën ndihmë nga personeli i ambulancës dhe helikopterit të shpëtimit përpara se të dërgoheshin në spital.

Sipas njoftimit, gjatë ndërhyrjes, një efektiv policie dhe piloti i helikopterit janë goditur nga rrufeja.

“Fatmirësisht, ata nuk u lënduan dhe mund të ndihmoheshin në vend nga personeli i ambulancës”, thuhet në njoftim.

Incidenti vjen pasi një grua 27-vjeçare në të njëjtin rajon të Zvicrës u plagos rëndë pasi u godit nga rrufeja. /21Media