“Shteti do t’i mbështesë ata që goditën ekonomikisht nga COVID-19”

Presidenti Thaçi takoi kryetarët e odave ekonomike

Presidenti i Kosovës Hashim Thaçi u zotua se shteti do të ndërmarrë masa që t’iu dalë në ndihmë të gjithë atyre që do të goditen edhe në aspektin ekonomik nga rrethanat e krijuara nga COVID-19.

Këto deklarata Thaçi i bëri gjatë takimit me Kryetarin e Odës Ekonomike të Kosovës, Berat Rukuqin, si dhe Kryetarin e Odës Ekonomike Amerikane në Kosovë, Arian Zekën.

Presidenti Thaçi u shpreh se pandemia e COVID-19 është sfidë për shëndetësinë, por edhe për ekonominë e Kosovës dhe të tërë globit.

“Është e rëndësishme që të ndërmerren hapa për ta ruajtur edhe ekonominë e vendit”, u shpreh presidenti Thaçi.

Kryetarët Ruqiki dhe Zeka dhanë rekomandimet e tyre si të ndihmohen punëtorët dhe bizneset, por edhe kompanitë që ofrojnë shërbime për qytetarët në ditët dhe në muajt në vijim./21Media