Sot pritet të dërgohen për shërim në Austri edhe dy pacientë të cilët janë lënduar nga shpërthimi në Ferizaj. Kjo për portalin rtv21.tv u bë e ditur nga zëdhënësi i ministrisë së Shëndetësisë, Faik Hoti.

Nisja do të bëhet në ora 14:45 nga Aeroporti i Prishtinës, tha Hoti

Paraprakisht në ora 13:00 ministri në detyrë i Shëndetësisë, Armend Zemaj dhe ambasadori i Austrisë, Christoph Weidinger do të deklarohen për mediat.

Hoti për portalin rtv21.tv po ashtu tregoi se shpenzimet e trajtimit do të mbulohen nga Ministria e Shëndetësisë, por që detaje shtesë do t’i bëjë të ditura ministri në detyrë Zemaj.

Me 5 janar si pasojë e shpërthimit të një bombole gazi në Ferizaj u lënduan 42 persona., prej tyre 4 të tjerë janë dërguar për trajtim në Turqi./21Media