Stuhia e dimrit ngujon qytetarët e New Yorkut nëpër vetura

Të paktën 28 njerëz kanë vdekur në shtetin perëndimor të New Yorkut, shumica e tyre në Buffalo, pasi një stuhi dimërore vazhdon të godasë Amerikën e Veriut.
Një zyrtar shtetëror tha se disa njerëz ishin bllokuar në makina për më shumë se dy ditë gjatë asaj që ishte “ndoshta” stuhia më e keqe e jetës së tyre.
Deri të martën pritet të ketë deri në 23 cm të tjera borë në pjesë të shtetit, paralajmërojnë meteorologët.
Stuhia që shtrihet nga Kanadaja në kufirin me Meksikën ka marrë jetën e 56 personave.
Presidenti amerikan, Joe Biden miratoi një deklaratë emergjente që lejon mbështetjen federale për shtetin e New Yorkut. “Zemra ime është me ata që humbën të dashurit këtë fundjavë festive”, shkroi ai në Twitter.
Ajo shtoi se shumë automjete të urgjencës nuk kishin arritur në zonat më të goditura ose kishin ngecur në dëborë vetë.
Një familje lokale me fëmijë të vegjël nga dy deri në gjashtë vjeç duhej të priste 11 orë përpara se të shpëtohej në orët e para të ditës së Krishtlindjes (e diel).
Më shumë viktima pritet të zbulohen pasi reshjet e dëborës të shkrihen të zbulojnë automjetet e bllokuara dhe të lejojnë hyrjen në shtëpitë e largëta.
Gjatë fundjavës rreth 250,000 shtëpi dhe biznese përjetuan ndërprerje – megjithëse energjia është rivendosur në mënyrë të qëndrueshme.
Vdekje të lidhura me stuhinë u raportuan gjithashtu në Vermont, Ohio, Missouri, Wisconsin, Kansas dhe Kolorado.
Temperaturat në Florida të Jugut ranë aq të ulëta, saqë iguanat ngrinë dhe ranë nga pemët.
Shteti perëndimor amerikan i Montana ishte më i godituri nga i ftohti, me temperatura që ranë në -45 gradë Celsius.
Në Kanada, provinca qendrore e Ontarios dhe Quebec, në veri-lindje, morën peshën kryesore të stuhisë./21Media