Szunyog: Thellësisht i pikëlluar nga humbja tragjike e dy jetëve nga vërshimet në Pejë
(Lajm i përditësuar)
Shefi i Zyrës së Bashkimit Evropian në Kosovë, Tomáss Szunyog ka ngushëlluar familjen nga Peja e cila humbi dy anëtarë të saj nga vërshimet e mbrëmshme.
Ai përmes një postimi tha se ndjehet i pikëlluar nga humbja tragjike e dy jetëve dhe iu ka uruar shërim të shpejtë të lënduarve.
“I pikëlluar thellësisht nga humbja tragjike e dy jetëve nga vërshimet në Pejë mbrëmë. Ngushëllime të përzemërta familjes së viktimave, shërim të shpejtë të lënduarve dhe rindërtim të shpejtë të zonës së prekur. Falënderoj reaguesit e parë, policinë dhe FSK-në”, ka shkruar ai në Twitter.
Deeply saddened by the tragic loss of two lives due to flooding in Peja/Peć last night. Heartfelt condolences to the family of the victims, speedy recovery to the injured &prompt recovery of the affected area. Thank you to the first responders, the police & KSF. 🇽🇰 🇪🇺
— Ambassador Tomáš Szunyog (@EUAmbKS) June 25, 2023
Abbott: Dëshiroj t’i shpreh ngushëllimet e mia familjes së dy personave që humbën jetën në Pejë
Ambasadori i Britanisë së Madhe në Kosovë, Nicolas Abbott, ka shprehur ngushëllime për vdekjen dy personave nga vërshimet në Pejë.
“Dëshiroj t’i shpreh ngushëllimet e mia familjes së dy personave që humbën jetën mbrëmë në Pejë”. Më bën përshtypje përkushtimi i të gjithë atyre që janë përfshirë në mbështetjen e të prekurve nga përmbytjet”, ka thënë Abbott.
I would like to express my condolences to the family of the two people who lost their lives in Peja last night. I am impressed by the dedication of all those involved in supporting those affected by the flooding.
— Nicholas Abbott (@nickabbottfcdo) June 25, 2023
Një nënë bashkë me fëmijën e saj 5 vjeç, kanë vdekur të shtunën në Pejë, si pasojë e vërshimeve.
Përveç tyre, në lagjen “Fidanishte”, po ashtu në Pejë, dy persona kanë pësuar lëndime trupore./21Media