Tapia: Nuk kam dyshim që Scaloni do të vazhdojë si trajner i Argjentinës

Claudio Tapia thotë se Lionel Scaloni do të vazhdojë si trajner pas fitimit të Kupës së Botës 2022.
44-vjeçari fillimisht iu bashkua La Albiceleste përpara se t’i jepej një kontratë e përhershme janarin e ardhshëm.
Argjentina që atëherë është forcuar me Scalonin, i cili udhëhoqi kombin e tij drejt titullit të tretë botëror pas një ecurie emocionuese në Katar 2022.
Marrëveshja aktuale e menaxherit është caktuar të skadojë më 31 dhjetor dhe ai ende nuk ka nënshkruar për rinovimin e kontratës, por shefi i FA argjentinase (AFA) Tapia ka siguruar se tashmë ka një marrëveshje që ai të vazhdojë në postin e tij.
“Nuk kam dyshim se ai do të vazhdojë të jetë trajner i skuadrës së Argjentinës. Ne jemi të dy burra të fjalës. Ne shtrënguam duart dhe i thamë po njëri-tjetrit. Ai aktualisht është në udhëtim, por sapo të kthehet do ta finalizojmë”, ka thënë Tapia.
Scaloni zëvendësoi Jorge Sampaolin pasi Argjentina u rrëzua nga Kupa e Botës 2018 pas një humbjeje ndaj Francës në 16 të fundit.
Shumë kritikë pohuan se ai nuk kishte përvojë të mjaftueshme për të marrë rolin, por ai i ka heshtur dyshuesit e tij duke duke fituar tre trofe: Kupën e Amerikës 2021, Finalissima dhe Kupën e Botës 2022.
“99% e njerëzve menduan se ishim gabim apo edhe të çmendur. Por ky ekip u solli lumturi njerëzve me tre titujt që fituan”, ka thënë Tapia më tutje./21Media