Të paktën 500 fëmijë ukrainas të vrarë në luftë

Në Ukrainë të paktën 500 fëmijë kanë mbetur të vrarë që nga fillimi i luftës. Kështu njoftoi presidenti i Ukrainës, Volodymyr Zelensky.

Zelensky i ka bërë këto deklarata, pas operacionit të nxjerrjes së trupit të një dyvjeçareje nga rrënojat, e cila ka vdekur të shtunën në qytetin ukrainas Dnjipro, si pasojë e sulmeve ruse.

Presidenti ukrainas, ka thënë përmes një deklarate se, “armët ruse dhe urrejtja, e cila vazhdon të marrë dhe të shkatërrojë jetët e fëmijëve ukrainas çdo ditë”, i ka vrarë qindra fëmijë, prej nisjes së luftës më 24 shkurt 2022.

“Shumica prej tyre do të mund të bëheshin shkencëtarë të njohur, artistë, kampionë sporti, apo të kontribuonin në historinë ukrainase”, ka thënë ai./21Media