Të shtëna me armë zjarri në një shkollë në Brazil, 3 të vrarë

Të paktën tre persona u vranë dhe 11 të tjerë u plagosën të premten pasi një burrë i armatosur hapi zjarr në dy shkolla në Espirito Santo, sipas autoriteteve lokale.
Sulmet ndodhën në qytetin e vogël të Aracruz.
Sulmuesi i dyshuar – i cili u pa në pamjet e sigurisë duke mbajtur një armë gjysmë automatike, të veshur me veshje ushtarake dhe një mbulesë të fytyrës – është arrestuar nga policia. I dyshuari ende nuk është identifikuar nga autoritetet, por mediat lokale, përfshirë CNN Brasil degën e CNN, kanë raportuar se është një 16-vjeçar.
Guvernatori i Espirito Santo, Renato Casagrande, në një postim në Twitter të premten, konfirmoi se “skuadrat e sigurisë kapën sulmuesin, i cili sulmoi dy shkolla në Aracruz”.
“Kam shpallur tre ditë zie zyrtare në shenjë pikëllimi për humbjet. Ne do të vazhdojmë të hetojmë arsyet dhe së shpejti do të kemi sqarime të reja”, tha ai.
Guvernatori tha se sulmet ndodhën në shkollën Primo Bitti dhe në Qendrën Arsimore Praia de Coqueiral./21Media