Thatësirë në Francë, mbi 100 komuna pa ujë të pijshëm

1 min read

EPA

Qeveria franceze formoi një ekip krizash për të trajtuar thatësirën ​​historike që ka lënë më shumë se 100 komuna pa ujë të pijshëm.

Kamionët po çojnë ujë në ato zona, pasi “nuk ka mbetur asgjë në tubacione”, tha Ministri për Tranzicionin Ekologjik, Christophe Béchu.

Zyra e kryeministrit tha se ishte thatësira më e keqe e regjistruar në Francë. Përdorimi i ujit po kufizohet në 93 rajone.

Kushtet e tilla pritet të vazhdojnë për të paktën dy javët e ardhshme.

Kompanisë shtetërore të energjisë EDF i është dashur të zvogëlojë prodhimin në disa termocentrale bërthamore, pasi temperaturat e lumenjve janë shumë të larta për të siguruar ftohje të mjaftueshme, raporton agjencia e lajmeve AFP.

Ekziston frika se thatësira – duke goditur pothuajse të gjithë Francën kontinentale – do të ulë rendimentet e të korrave, duke përkeqësuar krizën ushqimore të shkaktuar nga lufta në Ukrainë.

Evropianët tashmë po luftojnë me çmimet më të larta të ushqimeve pasi eksportet e drithërave nga Rusia dhe Ukraina – ndër prodhuesit kryesorë në botë – janë shumë më të ulëta se normalja, shkruan BBC./21Media