Tri raste të dhunës në familje në Prizren
Tri raste të dhunës në familje janë raportuar gjatë ditës së djeshme, në Prizren.
Burri ka sulmuar fizikisht gruan e tij, pas një mosmarrëveshje.
Rasti ka ndodhur dje(10 dhjetor), rreth orës 09:00.
Siç ka njoftuar Policia, e dëmtuara nuk ka pranuar tretman mjekësor.
Një tjetër rast, po ashtu në Prizren, është raportuar dje rreth orës 17:50, ku një burrë ka kanosur gruan dhe të bijën e tij.
I dyshuari, sipas Policisë ka qenë nën ndikimin e alkoolit. Me vendim të prokurorit është dërguar në mbajtje.
Një burrë në Prizren ka kërcënuar e ka ushtruar dhunë fizike ndaj bashkëshortes së tij.
Siç njofton Policia, i dyshuari së bashku shokun e tij, dyshohet se përmes telefonit kanë kërcënuar edhe menaxherin e kompanisë ku punon e dëmtuara dhe një punëtore në atë kompani.
Lidhur me rastin është njoftuar prokurori. Rasti nën hetime./21Media
Dëshiron ta dëgjosh këtë lajm me zë?