Trump “bëhet Papa”

Donald Trump ka postuar një foto të tij të krijuar nga inteligjenca artificiale me rroba papate në platformën e tij Truth Social disa ditë pas vdekjes së Papa Françeskut.

Fotoja u postua në llogarinë e tij sot dhe tregon presidentin amerikan me një kryq të madh ari në një zinxhir rreth qafës.

Më pas u postua në llogarinë X dhe Instagram të Shtëpisë së Bardhë pa asnjë koment apo shpjegim. Edhe pse shkaktoi kritika të ashpra, mblodhi mbi 100 mijë pëlqime.

Njoftimi vjen vetëm disa ditë pasi Trump bëri shaka se do të donte të bëhej papë.

“Do të doja të isha papë. Kjo do të ishte e para në listën time të dëshirave,” tha Trump javën e kaluar, pasi mediat e pyetën se kë do të dëshironte të shihte si pasardhës të Françeskut.

Ai shtoi se nuk kishte asnjë propozim specifik për një Papë të ri, por përmendi se ishte një kardinal në Nju Jork që ishte “shumë i mirë”.

Konklava për të zgjedhur një Papë të ri do të fillojë më 7 maj pas vdekjes së kreut të Kishës Katolike Romake.