Presidenti Donald Trump tha të premten në mbrëmje se ai do të ndalojë aplikacionin e videove me forma të shkurtra TikTok të veprojë në Shtetet e Bashkuara. Ai kështu hedhi poshtë një marrëveshje të mundshme për Microsoft për të blerë aplikacionin nga kompania e saj mëmë në pronësi kineze.

“Sa i përket TikTok, ne po e ndalojmë atë nga Shtetet e Bashkuara,” u tha Trump gazetarëve.

Trump tha se ai mund të përdorë fuqitë ekonomike të urgjencës ose një urdhër ekzekutiv. Ai nuk bwri  qartë menjëherë se si do të dukej një urdhër i tillë dhe cilat sfida ligjore mund të përballen.

“Epo, unë kam atë autoritet,” tha ai.

Qeveria amerikane po kryen një rishikim të sigurisë kombëtare të TikTok dhe po përgatitet të bëjë një rekomandim politik për Trump, u tha sekretari i Thesarit,  Steven Mnuchin gazetarëve këtë javë në Shtëpinë e Bardhë, përcjell portali rtv21.tv

ByteDance ka qenë duke shqyrtuar ndryshimet në strukturën e saj të korporatave dhe raportohet se tashmë kishte shikuar mundësinë e shitjes së një shumice të aksioneve në TikTok.

Microsoft (MSFT) është në bisedime për të marrë TikTok, sipas New York Times, duke cituar një person me njohuri për diskutimet. Microsoft nuk pranoi të komentojë në CNN Business. Trump e hodhi poshtë me forcë idenë e një marrëveshje të mundshme spin off që kënaq shqetësimet e sigurisë kombëtare.

Ekspertët e sigurisë në internet kanë thënë se rreziku i mundshëm i TikTok për sigurinë kombëtare është kryesisht teorik dhe se nuk ka asnjë provë që sugjeron që të dhënat e përdoruesit të TikTok janë komprometuar nga inteligjenca kineze./21Media